Þorkell Þráins aftur í Ægi (Staðfest)

Þorkell er uppalinn hjá félaginu en hann yfirgaf Þorlákshöfn og hélt til Stokkseyrar eftir síðasta tímabil. Hann lék þar 13 leiki í 5. deild. Hann á að baki 276 leiki í meistaraflokki.

Þorkell er klár slaginn fyrir mikilvægan leik Ægis á Selfossi á morgun.

„Keli yfirgaf okkur eftir síðasta tímabil og hafði félagið lagt númer 17 til hliðar af virðingu við hann, en eftir tíðindi dagsins þurfti auðvitað að ræsa Jóa í Jako til að græja sett á Kela, enda risa leikur á morgun og aldrei að vita nema að Keli eigi endurkomu á Selfossi í sínum fyrsta leik í Lengjudeildinni," segir í tilkynningu frá Ægi.

Ægir er á botni Lengjudeildarinnar, sjö stigum frá öruggu sæti.