Caleta-Car til Southampton (Staðfest)
Mynd: EPA
Mynd: EPA
Það er nóg um að vera á lokametrum sumargluggans í ensku úrvalsdeildinni þar sem félög eru að reyna að fullkomna leikmannahópana sína fyrir gluggalok.
Southampton er búið að bæta nokkrum leikmönnum við sig í dag og var rétt í þessu að staðfesta félagsskipti króatíska varnarmannsins Duje Caleta-Car frá Marseille.
Caleta-Car er talinn kosta um 10 milljónir punda. Hann er 26 ára gamall og á 129 leiki að baki á fjórum árum hjá Marseille.
Hann tekur stöðu Jan Bednarek í leikmannahópinum og mun berjast við Lyanco, Mohammed Salisu og Armel Bella-Kotchap um byrjunarliðssæti.
Ljóst er að Southampton er að yngja vel upp í leikmannahópinum sínum í tilraun til að byggja spennandi lið fyrir framtíðina.
Duje Ćaleta-Car is a SAINT! 😇 pic.twitter.com/4iHpE73vrw
— Southampton FC (@SouthamptonFC) September 1, 2022
