Camara fyllir í skarð Wijnaldum hjá Roma (Staðfest)
Camara í baráttu við Kyle Walker.
Mynd: EPA
Camara í baráttu við Kyle Walker.
Mynd: EPA
AS Roma er búið að staðfesta félagsskipti Mady Camara á lánssamning út tímabilið með kaupmöguleika.
Camara er 25 ára landsliðsmaður Gíneu sem kemur að láni frá Olympiakos í Grikklandi.
Roma borgar eina og hálfa milljón evra fyrir lánssamninginn og getur keypt miðjumanninn fyrir 12 milljónir til viðbótar.
Camara fær treyju númer 20 og mun berjast við menn á borð við Nemanja Matic og Bryan Cristante um byrjunarliðssæti á miðjunni.
Hann fyllir í skarðið sem Georginio Wijnaldum skilur eftir sig. Wijnaldum var fenginn frá PSG í sumar en meiddist á hásin og verður frá næstu mánuðina.
