Chelsea sendir Baba Rahman til Reading (Staðfest)
Mynd: Getty Images
Mynd: Getty Images
Vinstri bakvörðurinn Abdul Rahman Baba, betur þekktur sem Baba Rahman, á ennþá tvö ár eftir af samningi sínum við Chelsea.
Þessi landsliðsmaður Gana hefur verið hjá enska stórveldinu síðustu sjö ár en hefur ekki spilað leik fyrir félagið síðan á sínu fyrsta tímabili þar 2015-16.
Bakvörðurinn var lánaður til Schalke en spilaði afar lítið og hefur einnig farið til Reims, Mallorca og PAOK á síðustu árum. Hann fann aldrei taktinn þar til á síðustu leiktíð þegar hann fór til Reading og spilaði 29 leiki.
Hann vildi ólmur halda aftur til Reading og fékk félagsskiptin í gegn enda telur Thomas Tuchel sig ekki hafa nein not fyrir Rahman.
Welcome home @babarahmangh 👏#BaBackForMore pic.twitter.com/n8AGRslCta
— Reading FC (@ReadingFC) August 31, 2022
