Kvennalið Örebro frá Svíþjóð lagði Kristianstads í æfingaleik í gær en leikurinn fór fram um kvöldið.
Tvær íslenskar stelpur léku með Örebro í þessum 2-1 sigri eða þær Cecilía Rán Rúnarsdóttir og Berglind Rós Ágústsdóttir.
Cecilía var að leika sinn fyrsta leik fyrir Örebro og spilaði seinni hálfleikinn í marki liðsins. Berglind lék á meðan allan leikinn í vörninni.
Hin 19 ára gamla Sveindís Jane Jónsdóttir kom þá inná hjá Kristianstads en hún er þar í láni frá Wolfsburg.
Sveindís lék með Breiðabliki árið 2020 og skoraði þá 14 mörk í 15 leikjum áður en hún gekk í raðir Wolfsburg.
Athugasemdir