Aguero hefur verið meiddur í síðustu leikjum en skoraði svo í 2-0 sigri Man City á Crystal Palace í gær.

Tímabilið hefur verið brösugt fyrir Aguero vegna meiðsla en hann er á förum frá enska félaginu í sumar.

Argentínumaðurinn er tilbúinn í slaginn gegn PSG á þriðjudaginn en sættir sig við það hlutverk sem hann fær.

„Ég er alltaf tilbúinn. Mér líður vel og líka í hnénu. Ég bíð bara eftir tækifærinu að spila, eins og í dag," sagði Aguero.

„Ef ég spila ekki þá skiptir það engu máli. Ég vil vera með liðsfélögunun. Auðvitað vilja allir leikmenn spila en við sjáum til."