Viðar Örn kominn til CSKA 1948 Sofia (Staðfest)

Viðar Örn kemur til félagsins úr röðum Atromitos þar sem hann fékk lítinn spiltíma eftir að hafa kvartað til FIFA vegna vangoldinna launa.

Viðar er 33 ára gamall og skoraði 6 mörk í 31 leik með Atromitos í grísku deildinni, en á lokahnykk tímabilsins fékk Viðar aðeins að koma inn af bekknum seint í leikjum.

Hann á 32 landsleiki að baki fyrir Ísland og hefur meðal annars unnið til verðlauna í Svíþjóð, Noregi, Ísrael og Kína á farsælum ferli.

Nú gengur Viðar til liðs við CSKA 1948 sem endaði í þriðja sæti búlgörsku deildarinnar í fyrra, með 64 stig úr 35 umferðum.

Liðið tekur þátt í undankeppni Sambandsdeildarinnar í haust.

Sjáðu kynningarmyndbandið