fös 02. september 2022 06:00
Ívan Guðjón Baldursson
Framlengir við Chelsea og fer til Hull (Staðfest)
Mynd: Getty Images

Harvey Vale er meðal efnilegustu leikmanna í akademíunni hjá Chelsea og var hann að skrifa undir nýjan þriggja ára samning við félagið.


Vale mun spila með Championship liði Hull City á lánssamningi út tímabilið. Hann er ekki nema 18 ára en verður 19 eftir tæpar tvær vikur.

Vale er miðjumaður og bar fyrirliðaband U19 landsliðs Englands sem vann EM í sumar.

Hann tók þátt í fimm bikarleikjum með Chelsea á síðustu leiktíð og er þetta hans fyrsti lánssamningur.

Vale er sókndjarfur miðjumaður, rúmir 180cm á hæð og með eitraða vinstri löpp.

Xavier Simons er einnig farinn frá Chelsea til Hull á lánssamningi út tímabilið ásamt markverðinum Nathan Baxter.


Athugasemdir
banner
banner
banner
banner