Þar er hægt að búast við hörkuleik enda eru liðin jöfn með þrettán stig eftir tíu umferðir. Leikurinn verður sýndur beint á sportstöð Símans.

Aston Villa tekur svo á móti toppliði Liverpool og verður áhugavert að fylgjast með gangi mála þar. Liverpool er með sex stiga forystu á toppinum á meðan Villa er þremur stigum fyrir ofan fallsvæðið.

Jack Grealish og Mohamed Salah, lykilmenn í sitthvoru liðinu, eru tæpir fyrir leikinn en ættu báðir að vera í byrjunarliðunum í dag. Sama á við um Henri Lansbury og Virgil van Dijk.

Arsenal tekur svo á móti Wolves á meðan ríkjandi meistarar Manchester City fá Southampton í heimsókn. City lagði Southampton að velli í deildabikarnum í miðri viku, lokatölur 3-1.

Jóhann Berg Guðmundsson verður ekki með Burnley gegn nýliðum Sheffield United vegna meiðsla.

Síðasti leikur dagsins er áhugaverður þar sem botnlið Watford tekur á móti Chelsea, sem er búið að vinna fjóra deildarleiki í röð.

Leikir dagsins:
12:30 Bournemouth - Man Utd (Síminn Sport)
15:00 Aston Villa - Liverpool (Sjónvarp Símans)
15:00 Arsenal - Wolves
15:00 Man City - Southampton
15:00 Sheffield Utd - Burnley
15:00 Brighton - Norwich
15:00 West Ham - Newcastle
17:30 Watford - Chelsea (Síminn Sport)