Emile Smith Rowe var að koma Arsenal yfir gegn Manchester United á Old Trafford en markið þykir afar umdeilt. David De Gea, markvörður United, lá óvígur í markinu eftir hornspyrnu.
Arsenal fékk hornspyrnu á þrettándu mínútu. Boltinn kom inn í teiginn og var hreinsaður burt en á sama tíma datt De Gea. Enginn leikmaður Arsenal var nálægt en brasilíski miðjumaðurinn Fred steig á ökklann á markverðinum.
De Gea datt því og lá óvígur. Smith Rowe fékk boltann fyrir utan teiginn og lét vaða á markið og skoraði.
Í fyrstu var haldið að markið myndi ekki standa en það stóð og virtist Martin Atkinson, dómari, ekki hafa flautað áður en boltinn fór í netið. Þessu var mótmælt en það hafði lítið upp á sig. Hægt er að sjá markið hér fyrir neðan.
Sjáðu markið hér
#MUNARS
— FAST GOALS (@IFAST29) December 2, 2021
Fred 😐pic.twitter.com/8rI9a69jrn
Athugasemdir