Bosníumaðurinn Toni Tipuric hefur samið við Ægi um að leika með liðinu í sumar, en hann kemur til félagsins frá Dalvík/Reyni.
Tipuric, sem er 28 ára gamall miðvörður, spilaði 23 leiki er Dalvík/Reynir vann 2. deild á síðustu leiktíð.
Hann kom fyrst hingað til lands árið 2017 og spilaði þá með Njarðvík í Inkasso-deildinni og kann greinilega vel við sig hér.
Leikmaðurinn hefur nú samið um að taka slaginn með Ægi í 2. deild í sumar.
Ægismenn eru þarna að fá gæða leikmann sem á yfir 100 leiki í efstu tveimur deildum Bosníu og Króatíu. Þá á hann einnig leiki fyrir yngri landslið Bosníu.
Ægir hafnaði í neðsta sæti Lengjudeildarinnar á síðasta ári, með aðeins 9 stig úr 22 leikjum.
Athugasemdir
