Spá Fótbolta.net - 4. sæti: FH

Spáin:
1. ?
2. ?
3. ?
4. FH 95 stig
5. Víkingur R. 93 stig
6. Stjarnan
7. KA 55 stig
8. Fylkir 49 stig
9. ÍA 44 stig
10. HK 43 stig
11. Grótta 20 stig
12. Fjölnir 14 stig

Um liðið: FH tryggði sér 3. sætið í lokaumferð Pepsi Max-deildarinnar í fyrra og endurheimti um leið sæti í Evrópukeppni. Liðið fór einnig í bikarúrslit þar sem tap varð niðurstaðan gegn Víkingi R.

Þjálfari - Ólafur Kristjánsson: Ólafur er að sigla inn í sitt þriðja tímabil sem þjálfari FH-inga. Ólafur tók við liðinu af Heimi Guðjónssyni haustið 2017. Ólafur er fyrrum leikmaður FH en hann hefur á þjálfaraferlinum stýrt Fram og Breiðabliki á Íslandi og FC Nordsjælland og Randers í Danmörku.

Styrkleikar: Sóknarleikur FH gjörbreyttist eftir komu Morten Beck um mitt sumar í fyrra og nú nær hann heilu tímabili með liðinu. Jákvæðari andi virðist vera í kringum FH liðið og stemningin er góð í Kaplakrika fyrir sumarið. Leikmannahópurinn er mjög reyndur og þar má finna marga leikmenn sem hafa unnið titla í gegnum tíðina.

Veikleikar: Breiddin í hópnum er ekki mikil samanborið við sum önnur lið sem spáð er toppbaráttu. Það gæti haft sitt að segja þegar leikið verður þétt í sumar. FH fékk 36 mörk á sig í fyrra og rót var á varnarleiknum. FH skorti stöðugleika í fyrra til að blanda sér í alvöru titilbaráttu. Liðið þarf oftar að ná að tengja saman sigra til að berjast um titilinn.

Lykilmenn: Björn Daníel Sverrisson og Steven Lennon. Björn Daníel tók við fyrirliðabandinu af Davíð Þór Viðarssyni og þarf að stíga upp eftir síðasta tímabil. Steven Lennon hefur í áraraðir verið einn besti leikmaður deildarinnar og mikið mun mæða á honum í sóknarleiknum.

Gaman að fylgjast með: Hörður Ingi Gunnarsson er kominn aftur heim í FH frá ÍA. Hörður verður í hægri bakverði í sumar eftir að hafa spilað í þeim vinstri á Skaganum. Spennandi verður að sjá hann á heimaslóðum eftir mikla umræðu í vetur. Daníel Hafsteinsson kom frá Helsingborg í vetur og áhugavert verður að sjá hann á miðjunni hjá Fimleikafélaginu.

Spurningarnar: Kemur Emil Hallfreðsson í hópinn fyrir mót? Er breiddin nægilega mikil fyrir titilbaráttu? Raðar Morten Beck inn mörkum eins og í fyrra? Verður varnarleikurinn stöðugri?

Völlurinn: Kaplakrikavöllur hefur lengi verið einn besti grasvöllur landsins. Leikdags upplifunin er góð í Krikanum en líf og fjör er á pallinum hjá FH-ingum fyrir leiki.

Þjálfarinn segir - Ólafur Kristjánsson
„Ég veit ekki hvar við vorum í spánni vetur einhverntímann en síðan höfum við aðeins stigið í þessum væntinga leik. Þú vinnur ekkert mót og enga leiki með því að vera einhversstaðar í spám. Þetta er bara gert út frá því hvar sem þið eruð að gera þetta sjáið liðin á þeim tímapunkti. Þetta er augnabliks myndin á því sem menn upplifa og friður veri með því."

„FH er alltaf að fara í mót til að berjast um titla. Það hefur ekkert breyst. Það eru stundum meiri líkur og þar af leiðandi minni líkur á öðrum tímapunkti en FH stefnir alltaf á að vera með lið sem getur gert sig gildandi í efri hlutanum. Menn eru góðu vanir, liðið vann eða var í 2. sæti í 14-15 ár og svo koma tímabil þar sem lið taka dýfu. Við tókum dýfu niður í 5. sæti á markatölu árið 2018 og enduðum í 3. sæti í fyrra. Við enduðum í 5. sæti 2018 og gerum ekki lítið úr því. Það myndi ekki þykja djúp dýfa annars staðar en hún þykir það í FH."

Komnir:
Baldur Sigurðsson frá Stjörnunni
Daníel Hafsteinsson frá Helsingborg á láni
Hörður Ingi Gunnarsson frá ÍA

Farnir:
Brandur Olsen í Helsingborg
Cedric D´Ulivo
Davíð Þór Viðarsson hættur
Halldór Orri Björnsson í Stjörnuna
Kristinn Steindórsson í Breiðablik
Jakup Thomsen til HB
Vignir Jóhannesson í Stjörnuna

Fyrstu fimm leikir FH:
14. júní HK - FH
21. júní FH - ÍA
29. júní Víkingur - FH
5. júlí FH - Stjarnan
8. júlí Breiðablik - FH

Sjá einnig:
Hin hliðin - Baldur Logi Guðlaugsson
Hin hliðin - Daði Freyr Arnarsson

Leikmenn FH sumarið 2020:
1 Gunnar Nielsen
2 Hörður Ingi Gunnarsson
4 Pétur Viðarsson
5 Hjörtur Logi Valgarðsson
6 Daníel Hafsteinsson
7 Steven Lennon
8 Baldur Sigurðsson
9 Jónatan Ingi Jónsson
10 Björn Daníel Sverrisson
11 Atli Guðnason
12 Vilhelm Þráinn Sigurjónsson
14 Morten Beck Andersen
15 Þórður Þorsteinn Þórðarson
16 Guðmundur Kristjánsson
21 Guðmann Þórisson
22 Róbert Thor Valdimarsson
23 Brynjar Ásgeir Guðmundsson
24 Daði Arnarsson
25 Einar Örn Harðarsson
26 Baldur Logi Guðlaugsson
27 Jóhann Ægir Arnarsson
29 Þórir Jóhann Helgason
30 Arnar Sigþórsson
33 Haukur Leifur Eiríksson
34 Logi Hrafn Róbertsson
35 Óskar Atli Magnússon

Spámennirnir: Arnar Daði Arnarsson, Benedikt Bóas Hinriksson, Elvar Geir Magnússon, Guðmundur Aðalsteinn Ásgeirsson, Gunnar Birgsson, Hafliði Breiðfjörð, Ingólfur Sigurðsson, Magnús Már Einarsson, Sverrir Einarsson, Sæbjörn Þór Þórbergsson Steinke, Tómas Þór Þórðarson

Ekki gleyma Draumaliðsdeild Eyjabita!
Mundu að gera breytingar á þínu liði í Draumaliðsdeild Eyjabita. Hægt er að skrá sig í allt sumar. Markaðurinn lokar klukkutíma fyrir fyrsta leik umferðarinnar.
Smelltu hér til að taka þátt í Draumaliðsleiknum!