Samkvæmt fjölmiðlamanninum Darren Witcoop þá er Millwall búið að bjóða félögum í ensku C-deildinni að kaupa Jón Daða og er áhugi á honum þar.

Witcoop segir að Portsmouth og AFC Wimbledon hafi áhuga á Selfyssingnum.

Hinn 29 ára gamli Jón Daði gekk í raðir Millwall 2019 en hann hefur ekki verið öflugur í markaskorun fyrir félagið. Hann er bara búinn að skora fimm mörk í 69 leikjum í Championship fyrir Millwall.

Jón Daði skoraði aðeins eitt mark í 38 deild­ar­leikj­um með Millwall í ensku B-deild­inni á síðustu leiktíð og var aðeins þrett­án sinn­um í byrj­un­arliði.