Enski hægri bakvörðurinn Kyle Walker-Peters gæti verið á leið til Chelsea frá Southampton en þetta kemur fram í Guardian.
Walker-Peters er 25 ára gamall og verið að gera góða hluti með Southampton síðustu tvö ár eða síðan hann kom frá Tottenham Hotspur.
Hann er ofarlega á blaði hjá Chelsea en félagið er í leit að arftaka Cesar Azpilicueta, sem er við það að ganga í raðir Barcelona á Spáni.
Guardian greinir frá því að Chelsea gæti fengið Walker-Peters fyrir 30-35 milljónir punda.
Hollenski hægri bakvörðurinn Denzel Dumfries er einnig á lista hjá Chelsea en hann hefur staðið sig frábærlega hjá Inter á Ítalíu síðan hann kom frá PSV fyrir ári síðan.
Athugasemdir