Gyökeres í forgangi hjá Arsenal - Sargent orðaður við Brentford - City og Dortmund hafa áhuga á Camarda
banner
   sun 03. desember 2023 13:22
Elvar Geir Magnússon
PSV nær tíu stiga forystu í Hollandi
 Ismael Saibari fagnar marki sínu.
Ismael Saibari fagnar marki sínu.
Mynd: EPA
Tvö efstu lið hollensku úrvalsdeildarinnar mættust í Rotterdam í dag þegar Feyenoord tók á móti PSV Eindhoven.

Feyenoord þurfti á sigri að halda í baráttunni um meistaratitilinn en PSV Eindhoven fer hinsvegar heim með öll stigin.

Staðan var markalaus í hálfleik en marokkóski landsliðsmaðurinn Ismael Saibari kom PSV yfir á 65. mínútu og aðeins þremur mínútum síðar tvöfaldaði bakvörðurinn Olivier Boscagli forystuna.

Santiago Giménez minnkaði muninn fyrir heimamenn á 81. mínútu en lengra komust þeir ekki. PSV er nú með tíu stiga forystu á toppi hollensku úrvalsdeildarinnar.

Ajax heimsækir NEC Nijmegen í leik sem hefst núna klukkan 13:30. Kristian Hlynsson er í byrjunarliði Ajax en liðið situr í ellefta sæti deildarinnar.
Athugasemdir
banner
banner