Spá Fótbolta.net - 2. sæti: KR

Spáin:
1. Valur
2. KR 119 stig
3. Breiðablik 108 stig
4. FH 95 stig
5. Víkingur R. 93 stig
6. Stjarnan 81 stig
7. KA 55 stig
8. Fylkir 49 stig
9. ÍA 44 stig
10. HK 43 stig
11. Grótta 20 stig
12. Fjölnir 14 stig

Um liðið: KR-ingar eru Íslandsmeistarar en þeir unnu mótið með yfirburðum í fyrra. Þétt liðsheild, reynsla og gríðarlegur stöðugleiki voru einkennismerki liðsins. KR-ingar voru ekki með margar flugeldasýningar en meistarabragurinn og fagmennskan skinu í gegn.

Þjálfari - Rúnar Kristinsson: Þrívegis hefur Rúnar gert KR að Íslandsmeisturum en hann hefur ekki afrekað það enn að vinna þann stóra tvö ár í röð. Rúnar er óumdeilanlega einn besti þjálfari Íslands en hann nær vel til leikmanna og stendur með sínum mönnum í gegnum súrt og sætt. Aðstoðarmenn hans, Bjarni Guðjónsson og Kristján Finnbogason, eru einnig með öflugt KR-hjarta.

Styrkleikar: Liðið virkar sem öflug vél, er fullt af sigurvegurum og allir eru með sín hlutverk á hreinu. Færni þjálfarateymisins og mikil reynsla í hópnum skila miklu. Breiddin í hópnum er virkilega góð og liðið er með marga sterka kosti í sóknarleiknum.

Veikleikar: Liðið hefur virkað þungt í æfingaleikjum og umræða um hvort menn í hópnum séu saddir. Eru Pálmi Rafn og Óskar Örn, árinu eldri, að fara að skila inn svipuðu tímabili og í fyrra?

Lykilmenn: Arnór Sveinn Aðalsteinsson og Óskar Örn Hauksson. Arnór myndaði frábært miðvarðapar með hinum unga Finni Tómasi Pálmasyni á síðasta tímabili. Arnór átti frábært tímabil. Óskar Örn þarf ekki að kynna fyrir íslenskum fótboltaáhugamönnum. Hefur átt stórkostlegan feril hér á landi.

Gaman að fylgjast með: Kristján Flóki Finnbogason kom um mitt sumar í fyrra. Þessi hæfileikaríki sóknarmaður er líklegur til afreka á sínu fyrsta heila tímabili í efstu deild. Svo er það hinn nítján ára Stefán Árni Geirsson sem var lánaður í Leikni í fyrra og fór með himinskautum í Breiðholtinu. Hann og boltinn eru góðir vinir og spennandi að sjá hvort hann nái að láta að sér kveða með KR-ingum í deild þeirra bestu.

Spurningarnar: Eru KR-ingar saddir? Ná 'gömlu kallarnir' að fylgja eftir góðri frammistöðu á síðasta tímabili? Hvað skorar Kristján Flóki mörg mörk?

Völlurinn: Meistaravellir standa undir nafni. KR-völlurinn er klassískur þó löngu sé kominn sé tími á að svæðið sé tekið í gegn. Maggi Bö ræður ríkjum og sér til þess að grasið sé í standi.

Þjálfarinn segir - Rúnar Kristinsson
„Mér lýst alveg jafnvel á þessa spá eins og allt annað. Þessar spár eru til gamans gerðar. Það má búast við mikilli baráttu og þetta er fljótt að breytast í þessari þriggja stiga reglu, menn geta verið fljótir að tapa niður forystu. Það er pressa á öllum í hverjum einasta leik. Frammistaðan gegn Keflavík (1-1 í æfingaleik) er alveg áhyggjuefni og við erum ekki sáttir en við þurfum að nýta þessa leiki í að laga hlutina. Það er allt í lagi að fá skell en við þurfum að skerpa á tempói og ýmsu fleiru. Við höfum verið þungir í þessum leikjum og það þarf að létta á."

Komnir:
Ástbjörn Þórðarson frá Gróttu (Var á láni)
Emil Ásmundsson frá Fylki
Guðjón Orri Sigurjónsson frá Stjörnunni

Farnir:
Sindri Snær Jensson hættur
Skúli Jón Friðgeirsson hættur

Fyrstu fimm leikir KR:
13. júní Valur - KR
20. júní KR - HK
28. júní ÍA - KR
4. júlí KR - Víkingur
9. júlí Stjarnan - KR

Sjá einnig:
Hin hliðin - Ægir Jarl Jónasson

Leikmenn KR sumarið 2020:
1. Beitir Ólafsson
13. Guðjón Orri Sigurjónsson
12. Ómar Castaldo
3. Ástbjörn Þórðarson (lán í Gróttu)
4. Arnþór Ingi Kristinsson
5. Arnór Sveinn Aðalsteinsson
6. Gunnar Þór Gunnarsson
7. Tobias Thomsen
8. Finnur Orri Margeirsson
9. Björgvin Stefánsson
10. Pálmi Rafn Pálmason
11. Kennie Chopart
14. Ægir Jarl Jónasson
15. Emil Ásmundsson
16. Pablo Punyed
17. Alex Freyr Hilmarsson
18. Aron Bjarki Jósepsson
19. Kristinn Jónsson
21. Kristján Flóki Finnbogason
22. Óskar Örn Hauksson
23. Atli Sigurjónsson
25. Finnur Tómas Pálmason
28. Hjalti Sigurðsson
29. Stefán Árni Geirsson

Spámennirnir: Arnar Daði Arnarsson, Benedikt Bóas Hinriksson, Elvar Geir Magnússon, Guðmundur Aðalsteinn Ásgeirsson, Gunnar Birgsson, Hafliði Breiðfjörð, Ingólfur Sigurðsson, Magnús Már Einarsson, Sverrir Einarsson, Sæbjörn Þór Þórbergsson Steinke, Tómas Þór Þórðarson