Madrídingar keyptu Kubo frá FC Tokyo fyrir tveimur árum en þá var hann aðeins 18 ára gamall. Hann hafði nokkrum árum áður verið á mála hjá Barcelona þar sem hann æfði í La Masia-akademíunni.

Kubo er skærasta stjarna japanska landsliðsins og eru miklar væntingar gerðar til hans en hann á þó erfitt með að brjóta sér leið inn í aðallið Real Madrid.

Síðustu tvö tímabil hefur félagið lánað hann og hefur það gengið brösulega. Madrídingar vilja að Kubo fái spiltíma á Spáni og er hugsunin að lána hann til Real Sociedad eða Real Mallorca fyrir komandi leiktíð en þetta kemur fram í El Transistor.

Hann á enn eftir að spila leik fyrir aðallið Real Madrid og virðist vera að hann þurfi að bíða í einhvern tíma eftir því tækifæri.