Hrannar Björn Steingrímsson varð fyrir því óláni að slíta hásin á æfingu með KA á mánudag.
Hann hafði legið undir feldi í vetur en hafði tekið ákvörðun um að taka slaginn með KA á komandi tímabili og var búinn æfa nokkrum sinnum með liðinu. Sökum meiðslanna verður líklega ekkert úr því að hann spili með liðinu á komandi tímabili.
Þetta eru önnur alvarlegu meiðslin á ferli Hrannars. Hann varð fyrir því óláni árið 2021 að slíta krossband og var í kjölfarið frá í u.þ.b. ár.
Hann hafði legið undir feldi í vetur en hafði tekið ákvörðun um að taka slaginn með KA á komandi tímabili og var búinn æfa nokkrum sinnum með liðinu. Sökum meiðslanna verður líklega ekkert úr því að hann spili með liðinu á komandi tímabili.
Þetta eru önnur alvarlegu meiðslin á ferli Hrannars. Hann varð fyrir því óláni árið 2021 að slíta krossband og var í kjölfarið frá í u.þ.b. ár.
Hrannar er 33 ára bakvörður og er næstleikjahæsti leikmaður KA á eftir bróður sínum, Hallgrími Mar.
Hrannar kom í KA eftir tímabilið 2013 með uppeldisfélaginu Völsungi.
Óheppnin virðist vera að elta KA-menn þegar kemur að hásinameiðslum. Sænski markmaðurinn Jonathan Rasheed sleit hásin skömmu eftir komu sína til félagsins síðasta vetur og Jakob Snær Árnason sleit hásin um mitt síðasta sumar.
Athugasemdir
