Guðrún Jóna þjálfari Hauka
Guðrún Jóna Kristjánsdóttir þjálfari Hauka var ekki sátt við leik liðsins í 0-4 tapi gegn nágrönnunum í FH á Ásvöllum í kvöld. „Við vorum ekki nógu góðar í dag. Þær voru betri en við. Það vantaði svolítið upp á hjá okkur í dag."
Aðspurð um hvað hafi farið úrskeiðis, svaraði hún: „Við vorum bara svolítið langt frá mönnum, vorum ekki að vinna nógu vel saman og áttum í basli í fyrri hálfleik í uppspili á móti vindinum."
Næsti leikur Hauka er gegn Grindavík næsta miðvikudag. Guðrún Jóna er bjartsýn fyrir þann leik: „Við erum á okkar á vegferð og með okkar markmið. Við hlökkum til að takast á við næsta leik."
Viðtalið má sjá í heild sinni hér að ofan.
Athugasemdir
