Dean Martin, þjálfari Selfoss.
„Ég er svekktur að vera ekki að ganga hér út með að minnsta kosti eitt stig," sagði Dean Martin, þjálfari Selfoss, eftir 2-1 tap gegn Gróttu í Lengjudeildinni í kvöld.
Lestu um leikinn: Grótta 2 - 1 Selfoss
„Við sköpuðum nokkur mjög góð færi í fyrri hálflleik en náum ekki að klára. Við fáum það í andlitið þegar þeir skora. Ég er mjög svekktur."
Selfoss tapaði 3-0 fyrir Þrótti í síðustu viku. Var hann sáttur með það hvernig liðið brást við þeim leik?
„Við gáfum Þrótti ekki leik í síðustu viku. Við fórum út í dag og sýndum hvaða karakter, vilja og vinnusemi við erum með. Það var áræðni og ástríða, allt til staðar í dag. Ég finn til með þeim að ganga héðan út og fá ekkert fyrir leikinn."
„Við lögðum upp með að vinna leikinn, mæta af krafti og sýna að við getum spilað fótbolta, og barist eins og ljón."
Selfoss er nálægt fallsvæðinu, aðeins tveimur stigum frá því. Þróttur, sem er í 11. sæti, á leik til góða á Selfoss.
„Þú getur alltaf bætt þig. Við vinnum stanslaust að því alla daga að bæta okkur. Þess vegna ertu í þessu. Ef ekki, farðu þá bara að vinna í Bónus eða eitthvað."
Allt viðtalið má sjá hér að ofan.
