Hollenski miðjumaðurinn Gini Wijnaldum mun spila með Roma á láni frá Paris Saint-Germain á komandi leiktíð. Ítalska félagið greindi frá félagaskiptunum á samfélagsmiðlum í kvöld.
Wijnaldum, sem er 31 árs gamall, kom til PSG á frjálsri sölu frá Liverpool á síðasta ári en tókst engan veginn að finna sig í franska boltanum.
Blaðamenn í Frakklandi sögðu þetta slökustu kaup tímabilsins en hann mun nú reyna fyrir sér á Ítalíu.
Hann skrifaði í dag undir eins árs lánssamning við félagið og á Roma möguleika á að gera félagaskiptin varanleg.
Jose Mourinho, þjálfari Roma, ætlar sér stóra hluti með liðið á komandi tímabili en hann hefur einnig fengið þá Paulo Dybala, Nemanja Matic, Zeki Celik og Mile Svilar í sumarglugganum.
🆕 𝗪𝗘𝗟𝗖𝗢𝗠𝗘 | Georginio Wijnaldum 🐺🇳🇱
— AS Roma English (@ASRomaEN) August 5, 2022
We are delighted to confirm the signing of the renowned central midfielder!
In conjunction with partners around the world, the club continues to use its platform to raise awareness of missing children. ❤️
#ASRoma | @ICMEC_official pic.twitter.com/McaXQF7cjE
Athugasemdir