Oliver aðstoðar Dóra hjá Val

Oliver og Dóri þekkjast vel eftir að hafa starfað saman hjá Breiðabliki í um fimm ár. Dóri var aðstoðarþjálfari Blika í fjögur ár og tók svo við sem aðalþjálfari með Oliver í leikmannahópnum. Þeir urðu Íslandsmeistarar saman 2022 og 2024.

Oliver er fæddur 1995 og lagði takkaskóna á hilluna eftir að hafa spilað með Aftureldingu í fyrra. Hann tók svo við starfi hjá Augnabliki, venslaliði Breiðabliks, síðasta vetur og stýrði liðinu í sumar.

Oliver lék tvo A-landsleiki fyrir Ísland á ferli sínum og var um tíma á mála hjá Bodö/Glimt í Noregi.

Heimildir Fótbolta.net segja að Oliver sé þegar búinn að semja við Val um kaup og kjör.