Elmar Hjaltalín hefur verið ráðinn þjálfari hjá Elliða í 3. deild karla en liðið fór upp úr 4. deildinni síðastliðið haust.

Elmar tekur við af Jóni Aðalsteini Kristjánssyni sem tók við Kára eftir tímabilið.

Í gegnum tíðina hefur Elmar þjálfað yngri flokka hjá KR, Fjölni, Gróttu og Leikni R.

Honum til halds og trausts verður Kári Jónasson.

„Stjórn Elliða býður þá félaga hjartanlega velkomna til starfa og vonast eftir farsælu samstarfi í 3. deildinni í sumar," segir á Twitter síðu Elliða.