Landsliðsmaðurinn Jóhann Berg Guðmundsson var að skora fyrir Burnley sem er núna að spila við Brighton í ensku úrvalsdeildinni.
Brighton leiddi 1-0 í hálfleik en íslenski landsliðsmaðurinn var að jafna fyrir Burnley.
Boltinn barst til Jóhanns í teignum og hann skoraði með góðu skoti. Robert Sanchez í marki Brighton kom engum vörnum við.
Jóhann Berg hefur verið mikið meiddur að undanförnu en hefur á nýju ári náð að spila sex leiki á þessu ári til þessa. Hann var í byrjunarliði í dag og þakkaði fyrir traustið með sínu fyrsta deildarmarki síðan 10. ágúst 2019.
Markið má sjá hér að neðan.
Jói Berg á skotskónum!@Gudmundsson7 skorar sitt fyrsta deildarmark síðan í fyrstu umferðinni á síðustu leiktíð og það með fallegu skoti. pic.twitter.com/lOsN3jDDsx
— Síminn (@siminn) February 6, 2021
Athugasemdir