Heimir Guðjónsson, þjálfari Vals.
„Þetta var góður fótboltaleikur," sagði Heimir Guðjónsson, þjálfari Vals, eftir 2-2 jafntefli gegn sínu gamla félagi, FH, í Bestu deildinni í kvöld.
„Það eru vonbrigði að missa góða stöðu niður í jafntefli, en ef við lítum yfir leikinn í heild sinni þá held ég að jafntefli séu sanngjörn úrslit."
„Það eru vonbrigði að missa góða stöðu niður í jafntefli, en ef við lítum yfir leikinn í heild sinni þá held ég að jafntefli séu sanngjörn úrslit."
Lestu um leikinn: FH 2 - 2 Valur
Valur er með tíu stig eftir fjóra leiki. Heimir er sáttur með það, hans menn á toppnum.
„Við erum sáttir með byrjunina. Við vissum að það mun taka okkur einhvern tíma að búa til nýtt lið. Það er mikið af nýjum andlitum og það tekur tíma að hrista þetta saman... í kvöld horfir maður á körfuna og á morgun fer maður að hugsa um ÍA."
Vindurinn hafði áhrif á leikinn í kvöld. „Ég var hérna í einhver 17-18 ár og ég man ekki eftir því að það hafi verið svona mikill vindur í neinum leik sem ég tók þátt. Það kom mér á óvart. Þegar boltinn fór upp í loft þá greip vindurinn hann. Það hefði verið skemmtilegra ef það hefði verið logn sem er yfirleitt hér."
„Við réðum illa við Matta Vill, hann var öflugur í þessum leik og það minnti á gamla og góða tíma."
Allt viðtalið er í spilaranum hér að ofan.
Athugasemdir
