„Það var bara geggjað, fyrsta skipti sem ég hef spilað í alvöru leik hér á heimavelli sem var bara geggjað.“
Sagði Aron Elís Þrándarson leikmaður Íslands um tilfinninguna að koma inn á völlinn í alvöru leik en hann lék síðustu 20 mínútur leiksins er Ísland gerði 1-1 jafntefli gegn Albaníu í Laugardal í kvöld.
Sagði Aron Elís Þrándarson leikmaður Íslands um tilfinninguna að koma inn á völlinn í alvöru leik en hann lék síðustu 20 mínútur leiksins er Ísland gerði 1-1 jafntefli gegn Albaníu í Laugardal í kvöld.
Lestu um leikinn: Ísland 1 - 1 Albanía
Eins og áður segir kom Aron til leiks þegar um 20 mínútur voru eftir. Hvernig fannst honum takturinn í leiknum.
„Hann var bara fínn, mér fannst við vera betra liðið í seinni hálfleik og vorum klaufar síðasta korterið að nýta ekki þessar stöður sem við fengum þegar við sóttum hratt á þá.“
Aron fékk eitt ágætt marktækifæri í leiknum en brást bogalistinn og setti boltann hátt yfir markið. Hefði Aron sem var iðin við markaskorun fyrir Víkinga fyrir um áratug sett þetta á markið fyrir einhverjum árum?
„Ég var eiginlega búinn að sjá hann í netinu áður en ég skaut þannig að það var svekkjandi að ná ekki að setja hann.“
Aron sem færst hefur aftar á völlinn eftir því sem á ferilinn hefur liðið kom inn í leikinn aftarlega á miðju. Sér hann sjálfan sig sem hreina sexu í dag?
„Já eiginlega, ég get samt leyst áttuna og get leyst flest allar stöður á miðju en undanfarið hefur gengið mjög vel í sexunni og hef verið hugsaður í þessu verkefni sem sexa og þá er maður bara klár í það.“
Sagði Aron en allt viðtalið má sjá hér að ofan.
Athugasemdir