Lengjudeild kvenna: Fjögurra marka jafntefli á Húsavík

Völsungur og ÍA skildu jöfn, 2-2, í 5. umferð Lengjudeildar kvenna á Húsavík í dag.

Liðin voru jöfn að stigum með fimm stig fyrir þennan leik í dag. Skagakonur brutu ísinn á 7. mínútu með marki Alexu Maletis en Auður Ósk Kristjánsdóttir var ekki lengi að jafna metin fyrir Völsung.

Þegar um tuttugu mínútur voru liðnar kom Hildur Laila Hákonardóttir heimakonum yfir en Selma Dögg Þorsteinsdóttir jafnaði fyrir gestina þegar lítið var eftir af fyrri hálfleiknum.

Ekkert var skorað í þeim síðari og sættust liðin á að deila stigunum í þetta sinn.

ÍA er í 6. sæti með 5 stig, eins og Völsungur, en með betri markatölu.