Færeyski sóknarmaðurinn er samningsbundinn Breiðabliki út tímabilið 2025.
FH hafði mikinn áhuga á því að kaupa Patrik Johannesen af Breiðabliki og fyrir rúmri viku síðan benti margt til þess að hann yrði leikmaður FH, en ekkert varð úr því.
Heimir Guðjónsson, þjálfari FH, staðfesti við Fótbolta.net í gær að hann gerði sér ekki vonir um að fá Patrik í hópinn.
Heimir Guðjónsson, þjálfari FH, staðfesti við Fótbolta.net í gær að hann gerði sér ekki vonir um að fá Patrik í hópinn.
„Nei, það er búið," sagði Heimir við Fótbolta.net í gær.
„Við erum að reyna og glugginn lokar 13. ágúst. Við þurfum að halda áfram að reyna," sagði þjálfarinn aðspurður hvort það væri eitthvað annað í gangi á markaðnum.
Eins og Fótbolti.net fjallaði um í gær þá eru þeir Ástbjörn Þórðarson og Gyrðir Hrafn Guðbrandsson á leið í KR frá FH. Þeir eru búnir að kveðja liðsfélaga sína. Þá er Kristján Flóki Finnbogason á leið í hina áttina; frá KR í FH.
Athugasemdir
