sun 06. september 2020 20:00
Guðmundur Aðalsteinn Ásgeirsson
2. deild kvenna: Byrjað í Hveragerði en endað í Kórnum
Fjarðab/Höttur/Leiknir vann þægilegan sigur.
Fjarðab/Höttur/Leiknir vann þægilegan sigur.
Mynd: Fótbolti.net - Hafliði Breiðfjörð
Það fóru fram tveir leikir í 2. deild kvenna og setti veðrið heldur betur strik í reikninginn.

Fjarðab/Höttur/Leiknir fór með sigur af hólmi gegn Hamri í leik sem hófst í Hveragerði en endaði í Kórnum. Fyrstu 18 mínúturnar voru spilaðar á Grýluvelli en það var ekki hægt að klára leikinn þar vegna þess að völlurinn var á floti og óleikhæfur.

Því skelltu liðin sér inn í Kópavog þar sem leikurinn kláraðist með 4-0 sigri gestana. Fjarðab/Höttur/Leiknir er núna í þriðja sæti með 20 stig, eins og Grindavík sem er í öðru sæti. Grindavík á leik til góða. Hamar er í áttunda sæti með tíu stig.

Í hinum leik dagsins skildu Fram og Sindri jöfn, 2-2. Öll fjögur mörkin komu í fyrri hálfleik. Fram er á botninum með sjö stig og Sindri í sjöunda sæti með tíu stig.

Fram 2 - 2 Sindri
1-0 Salka Ármannsdóttir ('5)
1-1 Samira Suleman ('28)
1-2 Gabriela Maldonado ('37)
2-2 Halla Þórdís Svansdóttir ('45)

Hamar 0 - 4 Fjarðab/Höttur/Leiknir

Athugasemdir
banner
banner
banner
banner