sun 06. september 2020 20:30
Guðmundur Aðalsteinn Ásgeirsson
Deeney: Hvað skoruðu Haller og Joelinton mörg?
Troy Deeney.
Troy Deeney.
Mynd: Getty Images
Troy Deeney, sóknarmaður Watford, er fullviss um að hann geti enn spilað í ensku úrvalsdeildinni.

Deeney skoraði tíu mörk í 27 leikjum í deildinni á síðustu leiktíð þegar Watford féll. Þrátt fyrir fall félagsins telur hann sig sjálfan geta spilað áfram í deild þeirra bestu.

„Ég lít klárlega á sjálfan mig sem úrvalsdeildarsóknarmann," sagði Deeney í samtali við The Sun.

„Ég fór í tveggja stafa tölu á síðustu leiktíð á öðrum fætinum. Núna er ég búinn að jafna mig á hnévandamálum og kominn aftur á tvær fætur."

Hversu mörg skoraði Sebastian Haller fyrir West Ham? Sex eða sjö. Hvað með Joelinton? Tvö. Þetta eru 40 milljón punda leikmenn og ég kostaði bara 300 þúsund pund. Tími minn er ekki búinn."
Athugasemdir
banner
banner