Kane sneri aftur í lið Tottenham í dag sem spilaði við West Brom á heimavelli og hafði betur, 2-0.

Tottenham hafði tapað síðustu þremur leikjum sínum í röð fyrir leik dagsins og eru þrjú stigin afar mikilvæg.

„Í fyrri hálfleik vorum við með algjöra stjórn og hefðum getað gert út um leikinn," sagði Mourinho við BT Sport.

„Við fórum inn í hálfleikinn með mikið sjálfstraust og vorum jákvæðir. Ég ræddi aðeins við þá í eina mínútu. Við vorum á réttri leið."

„Harry Kane er sérstakur leikmaður í sögu félagsins. Hann mun slá öll met sem eru í boði. Einstaklingsframtakið var mjög gott í dag."

„Í lok tímabils þá kemur í ljós hvar við eigum skilið að enda í töflunni."