Akil DeFreitas er genginn til liðs við KF frá Reyni Sandgerði en þetta kom fram í tilkynningu KF í gær.
DeFreitas, sem er fæddur árið 1986, er reynslumikill leikmaður sem kom fyrst til landsins árið 2017 er hann samdi við Sindra.
Hann hefur einnig spilað fyrir Hvöt, Vestra, Völsung og Kormák/Hvöt en hann á samtals 96 leiki í deild- og bikar og hefur skorað 29 mörk.
Sóknarmaðurinn öflugi hefur nú gert samning við KF um að spila með liðinu á komandi tímabili.
KF átti ágætis tímabil í 2. deildinni á síðasta ári en liðið hafnaði í 8. sæti með 26 stig.
Athugasemdir
