Myndir: Brotið á Aroni Degi í fyrra marki Blika?

Einhver umræða hefur verið um hvort Thomas hafi brotið á Aroni Degi Birnusyni, markverði KA, í fyrra marki sínu.

„MARK!!! Hér á lokamínútum fyrri hálfleiks. Brynjólfur gerir afskaplega vel í að halda í boltann inn í teignum. Kemur svo boltanum á Quee sem á skot sem er bjargað á línu en Mikkelsen réttum maður á réttum stað. KA menn ekki sáttir og vilja brot á Mikklensen en hann og Aron fara báðir í boltann. Markið stendur 0-1!" skrifaði Ester Ósk Árnadóttir í textalýsingu frá leiknum.

Markið sem og leikurinn var til umræðu í nýjasta þætti Innkastsins sem og Boltans á Norðurlandi sem hlusta má á hér að neðan.

Hér beint fyrir neðan má sjá tvær myndir sem ljósmyndarinn Egill Bjarni Friðjónsson tók af atvikinu og eru myndirnar birtar með góðfúslegu leyfi hans. Þar fyrir neðan má sjá myndir frá Sævari Geir Sigurjónssyni sem tók myndir fyrir Fótbolta.net og var með annað sjónarhorn á atvikið.