Í skýjunum með Sölva eftir sigurinn sögulega - „Unnið frábært starf"

Hann segir að lykillinn að sigrinum hafi verið undirbúningurinn fyrir leikinn.

„Liðið hefur unnið vel saman í vikunni. Frá því í mars þá höfum við einbeitt okkur að sömu hlutunum á æfingum. Föstu leikatriðin hafa orðið enn betri núna eftir að Sölvi Ottesen kom inn. Hans vinna var stórkostleg. Við tókum tvo daga í að vinna í föstu leikatriðunum, sóknar- og varnarlega, og föstu leikatriðin sóknarlega voru fullkomin. Gæða spyrnur og hlaupin hjá sóknarmönnunum voru fullkomin. Þetta sýnir að ef þú vinnur í einhverju, menn eru einbeittir og endurtaka hlutina, þá uppskerðu."

Fyrrum atvinnu- og landsliðsmaðurinn Sölvi Geir Ottesen kom inn í þjálfarateymið fyrir þetta verkefni. Hann er aðstoðarþjálfari Víkings og hafði verið aðstoðarþjálfari Davíðs Snorra Jónassonar í U21 landsliðinu. Sölvi er sérfræðingur í föstum leikatriðum og komu bæði mörk Íslands úr hornspyrnum.

„Við höfum unnið meira í föstu leikatriðum eftir að Sölvi kom inn. Ég og Jói Kalli og ég og Davíð Snorri, við höfum meira lagt upp úr taktík og minni tími fór í föstu leikatriðin. Nú höfum við sett meiri tíma í föstu leikatriðin. Bæði á fundum og á æfingum. Sölvi hefur unnið frábært starf, er mjög nákvæmur í sinni vinnu. Bæði sóknar- og varnarlega," sagði sá norski.

Fleiri fréttir tengdar sigrinum má sjá hér að neðan. Þar fyrir neðan má nálgast umræðu um leikinn í útvarpsþættinum Fótbolti.net. Íslenska liðið undirbýr sig nú fyrir leik gegn Tyrklandi ytra á mánudagskvöld. Íslenski hópurinn flaug til Tyrklands í dag.