Everton skellti Chelsea 3-1 í fyrsta leik undir stjórn Duncan Ferguson, sem tók við af Marco Silva sem bráðabirgðarstjóri í vikunni.

Leikmenn Everton börðust eins og ljón og verðskulduðu sigurinn fyllilega. Theo Walcott og Dominic Calvert-Lewin, sem skoraði tvennu, fóru í viðtal að leikslokum.

„Duncan er tekinn við og það sést að þetta félag er hjarta hans. Við spiluðum eins og Everton á að spila, við spiluðum fyrir hvorn annan og Dominic var stórkostlegur," sagði Walcott.

„Við vildum vera ákafir og setja þá undir pressu, það virkaði vel. Duncan sagði okkur að fara út á völlnn og njóta okkar. Ég veit að þetta hljómar klisjukennt en það er það sem við gerðum."

Calvert-Lewin tók undir orð Walcott og undirstrikaði mikilvægi ástríðunnar sem Ferguson kemur með í starfið.

„Þetta var mikilvægur sigur fyrir okkur. Ég hef átt í nánu sambandi við Duncan í þrjú ár og treysti honum. Við fundum fyrir mikilvægi þess að fara á völlinn og leggja okkur 100% fram."

Everton reif sig upp úr fallsæti með sigrinum og er með 17 stig eftir 16 umferðir.

Tweet

Senda a Facebook Hafdu samband Senda frétt Prenta frétt Frétta leit