Fiorentina er komið áfram í 8-liða úrslit ítalska bikarsins eftir að hafa unnið Parma í vítakeppni í Flórens.
Gestirnir í Parma áttu draumabyrjun. Adrian Bernebe Garcia og Ange-Yoan Bonny komu liðinu í 2-0 rúmum tuttugu mínútum og var útlit fyrir að Parma væri á leið í 8-liða úrslitin. Markið hjá Garcia var sérstaklega laglegt, með föstu skoti fyrir utan teig.
Sjö mínútum fyrir leikslok minnkaði M'Bala Nzola muninn eftir stoðsendingu Riccardo Sottil áður en sá síðarnefndi jafnaði metin með marki úr vítaspyrnu á 89. mínútu.
Engin mörk voru skoruð í framlengingunni og því þurfti vítaspyrnukeppni til. Fiorentina skoraði úr fjórum vítum sínum á meðan Parma klúðraði tveimur. Dennis Man skaut í stöng og Drissa Camara setti boltann yfir og fer því Fiorentina áfram í 8-liða úrslit bikarsins.
Athugasemdir
