Bose mótið: Víkingur fór illa með FH

Víkingur nældi í sinn fyrsta sigur í Bose mótinu en liðið lagði FH af velli í dag.

FHingar komust yfir en það var Jón Guðni Fjóluson sem varð fyrir því óláni að skora sjálfsmark.

Víkingar svöruðu því ansi vel Valdimar Þór Ingimundarson skoraði tvennu og Erlingur Agnarsson, Tarik Ibrahimagic og Daði Berg Jónsson skoruðu sitt markið hvor.

Öruggur sigur Víkinga staðreynd. Liðið gerði jafntefli gegn HK í fyrsta leik sínum en þetta var fyrsti leikur FH í mótinu. Næsti leikur FH er gegn HK í Kórnum 19. desember. Víkingur spilar næst á fimmtudaginn í Sambandsdeildinni gegn Djurgarden á Kópavogsvelli.