Mbappé kominn í 100 marka klúbbinn: Liðsheildin mikilvægust

Það tók Mbappé 116 leiki að skora 100 mörk í öllum keppnum fyrir risaveldið og er hann sá fimmti fljótasti til að ná áfanganum.

Ferenc Puskás, Cristiano Ronaldo, Alfredo Di Stéfano og Pahino voru sneggri að skora 100 mörk fyrir félagið.

Mbappé var valinn besti leikmaður vallarins á Nývangi um helgina og tileinkaði liðsheildinni verðlaunin.

„Liðsheildin var maður leiksins í kvöld. Ef við viljum vinna titla, þá verður liðsheildin að vera í fyrsta sæti. Við þurfum að vera samheldnir og einbeittir sem liðsheild. Við erum með rosaleg gæði í liðinu, hver sem segir að það vanti gæði í leikmannahópinn okkar er lygari," sagði Mbappé meðal annars eftir sigurinn.