Íslenski boltinn er að fara af stað þessa helgina en leikið er í Reykjavíkurmótinu, Fótbolta.net mótinu og Kjarnafæðismótinu.
Áhugaverðar viðureignir fara fram en ballið hefst með leik HK og Leiknis í Kórnum klukkan 12:30. Sá leikur er í riðli 1 í A-deild en eftir hann hefst leikur Breiðabliks og Keflavíkur.
Í Reykjavíkurmótinu hefja Íslandsmeistarar Víkings leik gegn Fylki en þar er leikið á Víkingsvelli.
Fyrr um daginn mætast Valur og Fjölnir á Origo-vellinum en það eru einu tveir leikirnir karla megin í mótinu.
Í kvennaboltanum fer einnig fram leikur í Reykjavíkurmótinu en þar eigast við Fram og KR.
laugardagur 8. janúar
Fótbolta.net mótið - A-deild, riðill 1
11:30 HK-Leiknir R. (Kórinn)
13:00 Breiðablik-Keflavík (Kópavogsvöllur)
Fótbolta.net mótið - A-deild, riðill 2
12:00 ÍA-Stjarnan (Akraneshöllin)
Fótbolta.net mótið - B-deild, riðill 1
13:30 Njarðvík-Þróttur V. (Nettóhöllin-gervigras)
14:00 Kórdrengir-Selfoss (Skessan)
Reykjavíkurmót karla - A-riðill
12:00 Valur-Fjölnir (Origo völlurinn)
14:00 Víkingur R.-Fylkir (Víkingsvöllur)
Reykjavíkurmót kvenna - A-riðill
14:00 Fram-KR (Framvöllur)
Kjarnafæðismótið - A-deild, riðill 1
17:00 Völsungur-Þór 2 (Boginn)
Faxaflóamót kvenna - A-riðill
14:00 Stjarnan-Keflavík (Samsungvöllurinn)
16:15 Haukar-Afturelding (Skessan)
Athugasemdir