Lengjubikarinn: Felix og Filip afgreiddu Leikni

Filip Valencic, slóvenski miðjumaðurinn sem ÍBV fékk í vetur, og Felix Örn Friðriksson sáu um markaskorunina er ÍBV heimsótti Leikni R. í fyrsta leik kvöldsins í Lengjubikarnum.

Filip og Felix skoruðu sitthvort markið í fyrri hálfleik og tókst hvorugu liði að bæta við.

Lokatölur urðu því 0-2 fyrir ÍBV sem fer gríðarlega vel af stað í Lengjubikarnum eftir 1-5 sigur gegn FH í fyrstu umferð.

Leiknir var að spila síðasta leik sinn í riðlakeppninni og endar með þrjú stig eftir fjórar umferðir. Stigin þrjú komu í fræknum sigri gegn Íslandsmeisturum Breiðabliks.