mið 08. mars 2023 17:30
Guðmundur Aðalsteinn Ásgeirsson
Sasha Litwin mættur aftur í Víði (Staðfest)
Í leik með Víkingi Ólafsvík.
Í leik með Víkingi Ólafsvík.
Mynd: Fótbolti.net - Hafliði Breiðfjörð
Víðir í Garði er búið að krækja í spænska miðjumanninn Sasha Litwin og mun hann spila með félaginu í sumar.

Hann þekkir vel til í Garðinum því hann spilaði þar sumarið 2021 og skoraði þá eitt mark í ellefu leikjum.

Hann kom fyrst hingað til lands árið 2018 til að spila með Víkingi Ólafsvík í næst efstu deild. Tveimur árum eftir það lék hann með Völsungi á Húsavík.

Hann fór svo í Víði og er núna mættur aftur þangað eftir að hafa spilað í heimalandi sínu undanfarin ár.

„Hann hefur verið að spila síðan í heimalandinu og kemur til landsins í toppstandi," segir í tilkynningu Víðis.

Litwin er nú þegar búinn að spila einn leik fyrir Víði á undirbúningstímabilinu en hann spilaði í 2-1 tapi liðsins gegn Elliða um síðustu helgi.

Víðir leikur áfram í 3. deild í sumar eftir að hafa endað í fjórða sæti deildarinnar í fyrra.
Athugasemdir
banner
banner
banner
banner