Donni var kátur í leikslok.
„Við erum mjög ánægðir með heildarframmistöðuna í dag og við sköpuðum okkur fullt af færum ofan á þessi mörk sem við skorum," sagði Halldór Jón Sigurðsson, þjálfari Þór/KA eftir sigur liðsins á Fylki í Pepsi Max deild kvenna.
Lestu um leikinn: Þór/KA 2 - 0 Fylkir
„Við höldum hreinu, mjög ánægð með það! Það er búið að liggja þungt á okkur og við náum að binda saman varnar- og sóknarleikinn í dag," bætti hann við.
Donni hrósaði Fylkisliðinu og sagðist hafa vitað að þær státuðu af góðu sóknarskipulagi og væru massívar varnarlega. Eftir jafnan fyrri hálfleik þá seig Þór/KA fram úr í þeim seinni.
Hann viðurkenndi að það hefði farið um sig þegar hvert færið af fætur öðru fór forgörðum: „Stundum er það þannig í fótbolta að ef að maður klárar ekki færin sín, þá fær maður það oftar en ekki í bakið og það hefur gerst hjá okkur."
„Ég hafði svo mikla trú á þessum stelpum og hef svo mikla trú á þessum stelpum, að það var aldrei spurning um að þær myndu klára þetta," sagði Donni
Viðtalið má sjá í heild sinni hér að ofan
Athugasemdir
