fim 08. júlí 2021 06:00
Auglýsingar
Hamingjumótið í Víkinni í ágúst
Mynd: Víkingur
Hamingjumótið verður haldið á Heimavelli hamingjunnar í Víkinni laugardaginn 14. ágúst og sunnudaginn 15. ágúst. Hluti af þátttökugjaldi rennur til Umhyggju – styrktarfélags langveikra barna.

Mótið er fyrir 7. og 8. flokk drengja og stúlkna og er lögð áhersla á að krakkarnir hafi gaman á mótinu og kynnist stemningunni sem fylgir fótboltamótum. Mikilvægt er að leyfa krökkunum að vera á sínum forsendum og njótum þess að horfa á þau.

Keppendur fá verðlaunapening og gjöf fyrir þátttöku á mótinu og gjafabréf frá Hamborgarafabrikkunni.

Þátttökugjald er 3.500 kr og munu 500 kr. af gjaldinu renna til Umhyggju – styrktarfélags langveikra barna.

Til að skrá lið til þátttöku skal senda póst á [email protected]

Nánari upplýsingar veitir Fannar Rúnarsson í síma 5197602 / tölvupóstur [email protected].
Umhyggja – félag langveikra barna er félag sem vinnur að bættum hag langveikra barna og fjölskyldna þeirra. Í félaginu starfa foreldrar langveikra barna og fagfólk innan heilbrigðiskerfisins. Nánari upplýsingar um Umhyggju má sjá á www.umhyggja.is
Athugasemdir
banner
banner
banner
banner