Conor Coady, miðvörður Wolves, er að ganga í raðir Everton á láni út tímabilið. Coady hefur verið orðaður við skipti til Everton að undanförnu og þau virðast vera að ganga í gegn.
Á SkySports er greint frá því að Coady sé búinn í læknisskoðun og einungis eigi eftir að staðfesta hann sem nýjan leikmann Everton.
Á SkySports er greint frá því að Coady sé búinn í læknisskoðun og einungis eigi eftir að staðfesta hann sem nýjan leikmann Everton.
Sagt er frá því að Everton geti keypt Coady, sem er 29 ára, í framhaldinu. Hann var settur á bekkinn þegar Wolves mætti Leeds á laugardag eftir að hafa verið lykilmaður í liðinu undanfarin ár og fyrirliði liðsins.
Everton þarf sárlega á miðverði að halda eftir að Ben Godfrey og Yerry Mina meiddust gegn Chelsea á laugardag.
West Ham hafði einnig áhuga á Coady en hann ákvað að velja Everton frekar þar sem telur að hann sé öruggari með byrjunarliðssæti hjá Everton.
West Ham er sagt horfa til Thilo Kehrer hjá PSG í leit sinni að miðverði.
Athugasemdir