Kórdrengir hafa náð samkomulagi við Ingvar Þór Kale og Daníel Gylfason um að spila áfram með liðinu á komandi leiktíð í 2. deildinni. Leikmennirnir hjálpuðu Kórdrengjunum að vinna 3. deildina síðastliðið sumar.
„Báðir voru þeir mikilvægur partur í því að koma liðinu upp um deild í ár. Það er okkur mikil ánægja að þeir hafi framlengt samning sinn við Kórdrengi. Unnið er að því að framlengja einnig við fleiri leikmenn úr okkar frábæra hóp," segir á Facebook síðu Kórdrengja.
„Að því sögðu, þá hefur Alexander Magnússon ákveðið að stíga til hliðar vegna mikilla anna í námi sínu og tímaskorts. Alexander hefur reynst okkur gríðarlega vel tvö síðustu ár og hefur verið einn besti maður liðsins og þökkum við honum fyrir allt hans framlag í þróun klúbbsins."
Kórdrengir sömdu í vikunni við bræðurnar Hákon og Pál Sindra Einarssyni en þeir leika með liðinu á komandi tímabili.
Þá greinir mbl.is frá því í dag að Kórdrengir séu að reyna að fá Hrein Inga Örnólfsson, varnarmann og fyrirliða Þróttar R, í sínar raðir.
Athugasemdir