Skoraði stórglæsilegt mark í gær
Hinn 15 ára gamli Francesco Camarda er klárlega einn efnilegasti fótboltamaður í heimi í dag. Hann skoraði í gær stórglæsilegt mark í Evrópukeppni unglingaliða.
Camarda er á mála hjá AC Milan en hann hefur verið orðaður við önnur stór félög í Evrópu á síðustu mánuðum, þar á meðal Manchester City.
Hann hefur brotið hvert markametið á fætur öðru í barna- og unglingaliðum Milan en hann er byrjaður að spila með U19 liðinu þrátt fyrir að vera bara 15 ára.
Á þessu tímabili er hann búinn að gera 11 mörk í 17 leikjum fyrir U19 lið AC Milan og U17 landslið Ítalíu. Hann er að skora mark á 76. mínútna fresti.
Þetta er klárlega nafn til að fylgjast með en hér fyrir neðan má sjá stórkostlegt mark sem hann skoraði í gær gegn PSG.
FRANCESCO CAMARDA WITH AN INCREDIBLE GOAL TO MAKE IT 2-0pic.twitter.com/0zMvybgIwN
— ?????7?????? (@Scout7Calcio) November 7, 2023
Athugasemdir