Vinstri bakvörðurinn Ferland Mendy verður ekki með Real Madrid gegn Atalanta í mikilvægum leik í Meistaradeildinni á þriðjudag en félagið greinir frá þessu í dag.
Mendy er fastamaður í vörn Madrídinga en hann meiddist í 3-0 sigri liðsins á Girona í La Liga í gær.
Meiðslin hafa herjað á hóp Real Madrid á tímabilinu. Eder Miltao og Dani Carvajal eru báðir frá út leiktíðina og þá er David Alaba áfram á meiðslalistanum.
Á þriðjudag mun því líklega hinn 25 ára gamli Fran Garcia byrja í vinstri bakverðinum en Real Madrid þarf sigur til að eiga ekki í hættu á að missa af sæti í útsláttarkeppnina.
Liðið er aðeins með 6 stig eftir fimm leiki en Atalanta verður engin gönguferð í garðinum. Atalanta er ríkjandi Evrópudeildarmeistari og er sem stendur í efsta sæti Seríu A.
Athugasemdir
