Máni, sem er fæddur árið 1998, var á mála hjá HK og spilaði 8 leiki í Pepsi Max-deildinni á síðasta tímabili.

Hann er uppalinn í Stjörnunni en var lánaður til ÍR sumarið 2018 en síðar um sumarið gekk hann til liðs við HK.

Máni hefur nú samið við Leikni en þess má til gamans geta að Dagur, tvíburabróðir Mána, er á mála hjá félaginu.

Máni á 21 landsleik að baki fyrir yngri landslið Íslands og því mikill fengur fyrir Leiknismenn.

Penninn er á lofti hjá Leikni R. en Brynjar Hlöðversson samdi aftur við félagið eftir að hafa verið á mála hjá HB í Færeyjum síðustu tvö tímabil.