Það er kominn hálfleikur í viðureign Manchester United og Real Betis. Staðan er jöfn 1-1 en Marcus Rashford kom Manchester United yfir áður en Ayoze Perez jafnaði metin fyrir Betis.
Erik ten Hag stillir upp sama liði og tapaði 7-0 á Anfield um síðustu helgi en leikmenn liðsins virðast ekki ná að hrista það tap af sér.
David De Gea markvörður liðsins hefur fengið heldur betur á baukinn fyrir frammistöðu sína í þessum fyrri hálfleik frá Twitter notendum.
Hann hefur gerst sekur um slæmar ákvarðanir á boltanum. Hann var nálægt því að vera valdur af því að Betis kæmist yfir þegar hann sendi boltann beint í fætur leikmanns spænska liðsins og Betis komst í gegn en boltinn hafnaði í stönginni að lokum.
David de Gea makes incredible saves to win us games, but his poor ball distribution harms our build-up so much. This is not a slander, it's an obvious fact.
— UF (@UtdFaithfuls) March 9, 2023