Malen, Maguire, Rashford, Greenwood, Yoro, Eriksen og fleiri góðir í slúðri dagsins
   sun 09. maí 2021 18:36
Brynjar Ingi Erluson
Draxler næstur í röðinni hjá PSG - Gerir þriggja ára samning
Julian Draxler verður áfram hjá PSG
Julian Draxler verður áfram hjá PSG
Mynd: Getty Images
Þýski miðjumaðurinn Julian Draxler er að gera þriggja ára samning við franska stórliðið Paris Saint-Germain en L'Equipe og Fabrizio Romano greina frá þessu.

Penninn hefur verið á lofti hjá PSG síðustu vikur en Keylor Navas framlengdi fyrir nokkrum vikum og þá skrifaði Neymar undir samning til 2025 í gær.

Samningur Draxler við PSG gildir út júní og var fastlega búist við því að hann myndi róa á önnur mið en annað hefur nú komið á daginn.

Samkvæmt L'Equipe hefur hann samþykkt nýjan þriggja ára samning við félagið og tekur Romano undir þetta á Twitter.

Draxler hefur spilað 31 leik á þessu tímabili, skorað 4 mörk og lagt upp 7.

Þessi 27 ára gamli leikmaður hefur þá spilað 56 landsleiki fyrir Þýskaland og skorað 7 mörk.
Athugasemdir
banner
banner
banner